Ақмарал Ерекешева көркем гимнастикадан әлем чемпионатында тағы бір финалға бірінші орынмен шықты

12:20, 20 маусым 2025

© Сурет: olympic.kz

Болгарияның София қаласында көркем гимнастикадан жасөспірімдер арасындағы әлем чемпионатының іріктеу кезеңі аяқталды, деп хабарлайды Zakon.kz.

Жарыстың екінші күнінде Қазақстан құрамасының екі өкілі финалға жолдама алды.

Ақмарал Ерекешева таспамен жаттығуда іріктеуді тағы да бірінші орынмен аяқтап, 25.700 ұпай жинады. Еске сала кетейік, ол бұған дейін доп және шығыршықтағы жаттығуларда үздік атанып, финалға шыққан болатын.

Сондай-ақ, Айғаным Рысбек те жүлде үшін бақ сынайды. Ол ұршықтармен жаттығуда төртінші нәтиже көрсетіп, финалға өтті.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!