Жезқазғанда ойын-сауық орталығының әкімшісі отшашу атқаны үшін жазаланды

Жезқазғанда балалар ойын-сауық залының алдында пиротехникалық бұйымдар қолданылған. Полиция отшашуды мекеме әкімшісі ұйымдастырғанын анықтап, оны заңнамаға сәйкес жауапкершілікке тартты, деп хабарлайды Zakon.kz.

Полицияның хабарлауынша, 14 қараша күні сағат 20:00 шамасында Жезқазған қаласында учаскелік полиция инспекторы өзіне бекітілген аумақты аралау барысында балалар ойын-сауық залының алдында пиротехникалық бұйымдардың қолданылғанын анықтады.

"Тексеру барысында отшашуды аталған мекеменің әкімшісі ұйымдастырғаны белгілі болды. Осы дерек бойынша әкімші заңнамаға сәйкес жауапкершілікке тартылды", – делінген хабарламада.

Полиция азаматтарды қоғамдық тәртіпті сақтауға және өзгелердің тыныштығын құрметтеуге үндеді.