Жетісу облысында жер сілкінісіне байланысты жедел желі іске қосылды

Жетісу облысында тіркелген жер сілкінісіне байланысты облыстық Төтенше жағдайлар департаменті тұрғындарға арналған жедел желіні іске қосты, деп хабарлайды Zakon.kz.

ТЖД мәліметінше, мамандар азаматтарға кеңес беріп, сауалдарына жауап беруге дайын. Жедел желі нөмірі: 8 (7282) 32-44-36.

Сондай-ақ Төтенше жағдайлар министрлігінің жедел қызметтері жергілікті атқарушы органдарды, полицияны және басқа да бейінді қызметтерді хабардар еткен.

Құзырлы органдар тұрғындарды сабыр сақтауға және тек ресми ақпарат көздеріне сенуге үндеді.

Еске салайық, бұған дейін Алматы тұрғындары жер сілкінісін сезгенін хабарлаған едік.