Жемқорлар жауапкершіліктен құтылмайды – Президент
© Фото: Zakon.kz
Президент Қасым-Жомарт Тоқаев III Стратегиялық серіктестер форумында сыбайлас жемқорлыққа кінәлі адамды лауазымы да, сіңірген еңбегі де жауапкершіліктен босатпайтынын айтты, деп хабарлайды Zakon.kz.
Президенттің айтуынша, жемқорларға ешқандай аяушылық немесе рақымшылық болмайды.
"Осы ретте сыбайлас жемқорлықпен ымырасыз күрес жүргіземіз. Бұл – біздің табанды ұстанымымыз. Бұған дейін айтқанымдай, жемқорларға ешқандай аяушылық немесе рақымшылық болмайды", – деді Мемлекет басшысы.
Президенттің айтуынша, жемқорлық халықтың сеніміне селкеу түсіреді, елдің дамуына кедергі келтіреді әрі реформалардың нәтижесін жоққа шығарады.
"Сондықтан менің ұстанымым өзгермейді: кінәлілердің ешқайсысы заң жүзіндегі жауапкершіліктен сытылып кете алмайды. Оған лауазымы да, сіңірген еңбегі де, тіпті ықпалды "қамқоршылары" да көмектеспейді", – деді Қасым-Жомарт Тоқаев.
Мемлекет басшысы Конституцияда бекітілген "Заң және Тәртіп" қағидатын Әділетті Қазақстан құрудағы басты ұстанымы деп атады. Оның сөзінше, Қазақстан сенімді серіктес ретінде осы қағидаттың елдегі тұрақты, болжамды әрі ашық ортаның негізіне айналуын қамтамасыз етеді.
Тоқаев елдегі саяси және әлеуметтік-экономикалық реформалар әділдік, отаншылдық, толеранттылық, еңбекқорлық, шығармашылық, зайырлылық және прогресс құндылықтарымен сабақтас екенін айтты. Президенттің пікірінше, Конституцияда баршаның заң мен сот алдында тең екенінің айқын жазылуы реформалардың нәтижесін бекемдей түседі.
"Заң алдында бәрі бірдей болуға тиіс. Сонда ғана біз реформаларды соңына дейін жеткізіп, ел-жұртымыздың үмітін ақтай аламыз", – деді Президент.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:54, 19 қараша 2026
Қазақстан Вашингтон моделі негізінде БҰҰ аясында жасанды интеллектіні реттеуді қолдайды
-
13:45, 19 қараша 2026
Қазақстан барлық жетекші университеттермен өзара тиімді әріптестікті нығайтуды көздейді – Президент
-
13:45, 19 қараша 2026
Тоқаев: Қазақстан барлық елмен зияткерлік байланысты ұлғайтуға ұдайы баса мән береді
-
13:45, 19 қараша 2026
М.Ломоносов атындағы ММУ филиалы Қазақстанда 25 жылдан бері студенттер қабылдап келеді – Тоқаев
-
13:36, 19 қараша 2026
Тоқаев шетелдік университеттердің филиалдары ашылатын өңірлер қалай таңдалатынын айтты





