Тоқаев шетелдік университеттердің филиалдары ашылатын өңірлер қалай таңдалатынын айтты
© Фото: akorda.kz
Қазақстанда шетелдік жоғары оқу орындарының филиалдарын ашатын жерді таңдағанда әр облыста қандай салалар дамығаны және қандай мамандар қажет екені ескеріледі. Бұл туралы Президент Қасым-Жомарт Тоқаев III Стратегиялық серіктестер форумында айтты, деп хабарлайды Zakon.kz.
"Ірі қалаларымызда атом саласына, жасанды интеллект пен креативті индустрия бағыттарына келешек мамандар даярлау жолға қойылуда. Сонымен қатар әлемдік деңгейдегі сапалы білім басқа өңірлерге де қолжетімді болуы керек деп санаймыз", – деді Мемлекет басшысы.
Президент М. Қозыбаев атындағы Солтүстік Қазақстан университеті мен Аризона университетінің серіктестігін мысалға келтірді. Екі жоғары оқу орнының ынтымақтастығы аясында заманауи оқу-зертхана корпусы мен жатақхана салынды. Биыл бірлескен оқу бағдарламасының алғашқы түлектері екі университеттің де дипломын алды.
Қазақстанда Кардифф университетінің филиалы да жұмысын бастады. Бұл – британиялық университеттің шетелдегі алғашқы кампусы. Сонымен қатар Ковентри университеті, Мәскеу инженерлік физика институты, Бейжің тіл және мәдениет университеті мен Қытайдың Солтүстік-Батыс политехникалық университеті секілді оқу орындарына арналған кампустар салынып, кеңейтіліп жатыр.
"Бір сөзбен айтқанда, құрметті қонақтар, әрине, сіздердің көмектеріңізбен халықаралық академиялық серіктестіктің мықты базасын құрдық. Ол үшін барша әріптестерімізге және достарымызға ризашылығымызды білдіреміз", – деді Қасым-Жомарт Тоқаев.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:54, 19 қараша 2026
Қазақстан Вашингтон моделі негізінде БҰҰ аясында жасанды интеллектіні реттеуді қолдайды
-
13:45, 19 қараша 2026
Қазақстан барлық жетекші университеттермен өзара тиімді әріптестікті нығайтуды көздейді – Президент
-
13:45, 19 қараша 2026
Тоқаев: Қазақстан барлық елмен зияткерлік байланысты ұлғайтуға ұдайы баса мән береді
-
13:45, 19 қараша 2026
М.Ломоносов атындағы ММУ филиалы Қазақстанда 25 жылдан бері студенттер қабылдап келеді – Тоқаев
-
13:41, 19 қараша 2026
Жемқорлар жауапкершіліктен құтылмайды – Президент





