Жамбыл облысында Мемлекет басшысы қолөнершілер көрмесін аралап көрді

21:00, 3 ақпан 2023

140

© Сурет: akorda.kz

Мемлекет басшысы Қасым-Жомарт Тоқаев "Көне Тараз" тарихи-мәдени кешеніндегі Жамбыл өңірі қолөнер шеберлерінің көрмесіне барды, деп хабарлайды Zakon.kz.

Президент "Шебер шаңырақ" мүмкіндігі шектеулі жандар қоғамдық бірлестігі, "Өшпес мұра" Жамбыл облысы қолөнер шеберлерінің қауымдастығы, "Жамбыл облысы қолөнершілер одағы" қоғамдық бірлестігі, Асыл-Дизайн" сән үйі және басқа да ұйымдар шеберлері жасаған бұйымдарды тамашалады. Көрмеге 29 қолөнер шеберінің ағаш, тері және киізден жасаған бұйымдары, қыш ыдыстар, панно, ұлттық музыкалық аспаптар, ұлттық киім үлгілері, ат әбзелдері, зергерлік бұйымдар қойылған.

Мемлекет басшысына көрсетілген "Киіз үй" инсталляциясында жастарға тоқыма, киіз басу, құрақ құрау, ұршық иіру, сырмақ сыру және басқа да өнер түрлері бойынша шеберлік сабағы өткізілді.

Сонымен қатар көрмеде көшпенділердің заманауи әлемдік үлгіде жаңғыртылып, нео-фольклор стилінде тігілген көпғасырлық дәстүрлі киімдері және дала гүлдері мен шөптерінің хош иістерінен жасалған иіссулар көрсетілді.

Жуырда Тараз Дүниежүзілік қолөнершілер қалалары тізіміне енгені туралы сертификат алды.

Оқи отырыңыз

Мемлекет басшысы Сарыкемер ауылындағы жаңа емханаға барды

Президент қостөбелік фермер жігітке дәнуатқыш аппаратты сыйға тартты

Тоқаев Байзақ ауданы Талас ауылындағы ауыл шаруашылығы өндірістік кооперативіне барды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!