Юлия Путинцева «Уимблдон-2026» турнирін алғашқы айналымда аяқтады

Әлемнің 84-ракеткасы, қазақстандық теннисші Юлия Путинцева Лондонда өтіп жатқан "Уимблдон-2026" турнирінің жекелей сынындағы жарысын аяқтады, деп хабарлайды Zakon.kz.

Sportarena.kz мәліметінше, турнирдің алғашқы айналымында қазақстандық теннисші WTA рейтингінде 96-орында тұрған германиялық Татьяна Мариядан екі сетте 4:6, 4:6 есебімен жеңіліп қалды.

Кездесу 1 сағат 42 минутқа созылды.

Посмотреть эту публикацию в Instagram

Публикация от Yulia Putintseva (@yulia_putintseva)

Осы матчқа дейін қос теннисші бір-бірімен алты рет кездескен. Жеке кездесулердегі басымдық Юлия Путинцеваның жағында болып, ол төрт матчта жеңіске жетсе, Татьяна Мария екі рет жеңген.

Енді екінші айналымда Татьяна Мария АҚШ өкілі Ива Йовичпен кездеседі.

Посмотреть эту публикацию в Instagram

Публикация от Three Point Shutter | by Francis N (@threepoint_shutter)

Айта кетейік, "Уимблдон-2026" турнирі 29 маусымда басталып, 11 шілдеге дейін жалғасады. Турнирдің қазіргі чемпионы – польшалық теннисші Ига Швёнтек.