Ветеринария саласын жаңғыртуға айрықша мән беру қажет – Тоқаев
© Фото: primeminister.kz
Президент Қасым-Жомарт Тоқаев ауыл шаруашылығы еңбеккерлерінің үшінші форумында Қазақстанның аусылдан таза аймақ деп танылуы отандық ет пен өзге де мал шаруашылығы өнімдерін экспорттауға жаңа мүмкіндік беретінін айтты, деп хабарлайды Zakon.kz.
Мемлекет басшысы бұл мәртебенің сыртқы сауда үшін маңызын атап өтті.
"Дүниежүзілік жануарлар денсаулығы ұйымының ұйғарымына сәйкес, Қазақстан ящур ауруынан таза аймақ ретінде танылды. Бұл – ет және басқа да мал шаруашылығы өнімдерін сыртқы нарыққа шығару үшін жаңа мүмкіндіктерге жол ашылады деген сөз", – деді Қасым-Жомарт Тоқаев.
Президент ветеринария саласын жаңғыртуда екі міндетке назар аударды. Оның бірі – мал басын есепке алу жүйесін жетілдіру, екіншісі – зертханалық диагностиканың сапасын арттыру. Мемлекет басшысы Үкіметке мал шаруашылығы өнімдерін сыртқы нарыққа шығаруға кедергі келтіретін тосқауылдарды жоюды тапсырды.
"Соны тиімді пайдалану керек. Мал басын есепке алу жүйесін жетілдіріп, зертханалық диагностиканың сапасын арттыру қажет. Үкімет өнімдерді экспортқа шығаруға кедергі келтіретін тосқауылдарды жоюға тиіс", – деді Президент.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
15:25, 20 қараша 2026
Ауа райы қолайсыз болғанына қарамастан, биыл да ел қамбасы астыққа толды – Мемлекет асшысы
-
15:22, 20 қараша 2026
Тоқаев: Су көздері де шаруа қожалықтары үшін қолжетімді болуы керек
-
15:22, 20 қараша 2026
Тек былтырдан бері 71 тауар-сүт фермасы іске қосылды – Президент
-
15:14, 20 қараша 2026
Президент: Ауыл шаруашылығы – ел экономикасы үшін стратегиялық маңызы айрықша сала
-
15:10, 20 қараша 2026
Қасым-Жомарт Тоқаев: «Егін шаруашылығындағы өнімділікті арттыру маңызды»





