Валерий Рахымжан нысана көздеуден Германиядағы Әлем кубогының кезеңінде күміс медаль жеңіп алды

22:11, 10 маусым 2025

© Сурет: olympic.kz

Нысана көздеуден Қазақстан құрамасының спортшысы Валерий Рахымжан Германияның Мюнхен қаласында өтіп жатқан Әлем кубогының кезеңінде күміс медаль жеңіп алды, деп хабарлайды Zakon.kz.

Ол 10 метрге пневматикалық тапаншамен ату жарысында ел намысын сәтті қорғады.

Финалда Рахымжан 241.9 ұпай жинап, екінші орынды иеленді.

Аталған бағдарлама түрі бойынша әлем кубогының жеңімпазы – қытайлық Ху Кай (242.3 ұпай). Үшінші орын неміс спортшысы Кристиан Рейтцке бұйырды (220.8 ұпай).

Айта кетейік, Валерий Рахымжан іріктеу кезеңінде алтыншы орын алып, финалға шыққан болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!