Түркиядан Қазақстанға жаңа әуе рейстері ашылмақ

2026 жылғы 31 шілдеден бастап Қазақстанның әуе тасымалы нарығына Түркияның SunExpress әуе компаниясы шығады, деп хабарлайды Zakon.kz.

Қазақстанның Азаматтық авиация комитетінің мәліметінше, әуе компаниясы Алматы – Измир бағыты бойынша тікелей тұрақты жолаушылар рейстерін орындай бастайды. Рейстер аптасына екі рет – сейсенбі және жұма күндері Boeing 737 ұшақтарымен жүзеге асырылады.

Ведомствоның айтуынша, Қазақстан мен Түркия арасындағы жаңа әуе қатынасының ашылуы екі елдің сауда-экономикалық, іскерлік, инвестициялық, туристік және мәдени ынтымақтастығын одан әрі дамытуға ықпал етеді.

Бұған дейін тамыз айында Астанадан Семей, Ақтөбе және Жезқазғанға жаңа әуе рейстері ашылатындығын жазғанбыз.