Түркістан облысындағы су тасқынына қарсы шараларға сарбаздар жұмылдырылды

10:12, 3 ақпан 2023
135

© Сурет: Қорғаныс министрлігінің баспасөз қызметі

Түркістан облысында қардың күрт еруінен Арыс өзеніне құятын Қабылсай каналы арнасынан тасып, көптеген елді мекенді су басты. Су тасқынына қарсы шараларға Қорғаныс министрлігіне қарасты 44859 әскери бөлімінің жүз сарбазы жұмылдырылды, деп хабарлайды, Zakon.kz.

Елді мекендерді су басу қаупіне байланысты Арыс қаласы әкімдігінің, аудандық төтенше жағдайлар бөлімінің басшылығы, ауылдық округтердің әкімдері су тасқынына қарсы шаралар ұйымдастырды.

Оған Қарулы күштердің 44859 әскери бөлімінің жүз сарбазы, №7 өрт сөндіру бөлімінің жеке құрамы, "Жасыл Арыс" КММ мамандары, жастар ресурстық орталығының еріктілері жұмылдырылды.

Түркістан облысы, Арыс өзені, Қарулы күштер қызметкерлері, су тасқыны

Сурет: Қорғаныс министрлігінің баспасөз қызметі

Қазіргі уақытта ауылдық округтерге және су басу қаупі бар аймақтарға жіберілетін 2 мың қап құм дайындалды.

 Аймақ басшылығы орын алған жағдайды бақылауда ұстайды. Кезекші бекеттерде өзен ағысы мен су деңгейін бақылау жүзеге асырылатын болады.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!