Түркістан облысында полиция берешегі бар 16 жүргізушіні анықтады

Жол қозғалысы қауіпсіздігін қамтамасыз ету және жолдағы тәртіпті нығайту мақсатында Түркістан облысында рейдтік-профилактикалық іс-шаралар үздіксіз өткізілуде, деп хабарлайды Zakon.kz.

Мәселен полицияға "Қорғау" бағдарламасы қарызын төлемеген 16 жүргізушіні анықтауға мүмкіндік берді.

Яғни жан-жақты жүргізілген жұмыс нәтижесінде жетісайлық полицейлер мобильдік қосымшасы арқылы 16 жүргізушінің 22 рет жол қозғалысы ережелерін бұзғанын анықтады. Нәтижесінде 7 автокөлік арнайы айыптұраққа қойылды.

Сондай-ақ Daewoo Nexia автокөлігінен төленбеген қарызы анықталып, жүргізушіге түсіндіру жұмыстары жүргізіліп, берешек сол жерде өндірілді.

Полиция қызметкерлері жол қозғалысы ережелерін сақтауға және әкімшілік жауапкершіліктен жалтармауға шақырады. Жолдағы тәртіп – баршамызға ортақ жауапкершілік!