«Тұман, боран, көктайғақ». Синоптиктер Алматы мен еліміздің 11 өңірінде дауылды ескерту жариялады

Синоптиктер 26 қаңтарда Алматы мен Қазақстанның 11 облысында дауылды ескерту жариялады, деп хабарлайды Zakon.kz "Қазгидромет" РМК-ның баспасөз қызметіне сілтеме жасап.

Жетісу облысының шығысында солтүстік-шығыстан жел соққан желдің екпіні 15-20 м/с, кей тұста 23-28 м/с дейін жетеді.

Ұлытау облысының батысында, солтүстігінде, шығысында шығыстан, оңтүстік-шығыстан соққан желдің екпіні 15-20 м/с, түнде облыстың солтүстігінде соққан желдің екпіні 23 м/с дейін жетеді.

Түнде Қызылорда облысының орталығында, шығысында шығыстан батысқа ойыса соққан желдің екпіні 15-20 м/с құрайды.

Абай облысының оңтүстік-батысында, орталығында оңтүстік-шығыстан жел соғады, екпіні - 15-20 м/с.

Түнде Шығыс Қазақстан облысының оңтүстік-шығысында шығыстан, оңтүстік-шығыстан жел соғады, екпіні - 15-18 м/с. 25 қаңтардың сағат 20.00-ден 26 қаңтардың сағат 20.00-ге дейін Өскеменде күтіліп отырған қолайсыз метеорологиялық жағдайларға байланысты, ҚМЖ туралы екінші дәрежелі ескертуі сақталады.

Ақтөбе облысының батысында тұман түседі деп күтіледі.

Атырау облысының солтүстігінде, батысында, оңтүстігінде тұман түседі деп күтіледі. Атырауда түнде және таңертең тұман түседі.

Алматы облысының солтүстігінде, оңтүстігінде, таулы аудандарында көктайғақ болады деп күтіледі. Түнде облыстың оңтүстігінде шығыстан, оңтүстік-шығыстан жел соғады, екпіні - 18-23 м/с. Қонаевта да көктайғақ болады, шығыстан жел соғады, түндегі екпіні 18-23 м/с құрайды деп болжанады.

Алматы қаласында көктайғақ болады деп күтіледі.

Қостанай облысының батысында, оңтүстігінде тұман түседі деп күтіледі.

Маңғыстау облысының батысында, солтүстік-шығысында, орталығында тұман болады деп күтіледі. Ақтауда да түнде және таңертең тұман түседі.

Түркістан облысының батысында, оңтүстігінде, таулы және тау бөктерлі аудандарында тұман болады деп күтіледі.

Бұған дейін "Қазгидромет" РМК мамандары Астана, Алматы және Шымкент қалалары бойынша алдағы үш күнге – 2025 жылғы 26-28 қаңтар аралығына арналған ауа райы болжамын ұсынған.