Тоқаевтың ағылшын тілінде жетік сөйлеуіне таңдай қаққан әжей желінің жұлдызына айналды

Қазақстан президенті Қасым-Жомарт Тоқаевтың қызметін тұрақты жариялап жүрген журналист Әділ Балтабаев "Болашақ ойындары – 2026" халықаралық турнирінің ашылу салтанатында болған әсерлі сәттердің бірін видеоға түсіріп алды, деп хабарлайды Zakon.kz.

Кадрда мемлекет басшысы салтанатты рәсім барысында ағылшын тілінде сөз сөйлеп тұрған сәт бейнеленген. Сондай-ақ, залда отырған көрермендердің бірі – егде жастағы әжей президенттің сөзін ерекше ықыласпен тыңдап, таңданысы мен мақтанышын жасыра алмай отырғаны анық көрінеді.

Посмотреть эту публикацию в Instagram

Публикация от Adil Baltabayev (@adilbaltabayev)

Бұл әсерлі видео әлеуметтік желі қолданушыларының көңілінен шығып, көпшілік әжейдің шынайы эмоциясына сүйсінді. Олар пікірлерінде:

• "Керемет апашка!"
• "Кеудесін мақтаныш кернеп тұрғаны анық!"
• "Осындай әсерлі, шынайы сәттерді түсіріп жүргеніңізге рақмет!"
• "Тамаша кадр ұстапсыз!"
• "Әжей өте әдемі екен!"

Еске салайық, 2026 жылғы 29 шілде мен 9 тамыз аралығында Астанада ауқымды халықаралық "Болашақ ойындары – 2026" спорттық турнирі өтіп жатыр.