Тоқаев Канаданың генерал-губернаторын құттықтады

Мемлекет басшысы 2025 жылғы 1 шілдеде Канаданың генерал-губернаторына құттықтау жеделхатын жолдады. Бұл туралы Ақорда мәлімдеді, деп хабарлайды Zakon.kz.

Таратылған ақпаратқа сүйенсек, Қасым-Жомарт Тоқаев ұлттық мейрам – Канада күніне орай Генерал-губернатор Мэри Саймонға құттықтау жеделхатын жолдады.

Қазақстан Президенті бұл айтулы дата Канада жұртшылығының ынтымақ-бірлігін көрсететінін, сондай-ақ мемлекеттің орнықты дамуы мен халықтың әл-ауқатын арттыруға қызмет етуге берік негіз қалайтынын атап өтті.

"Мемлекет басшысы Генерал-губернатордың жауапты қызметіне табыс, ал Канада халқына бақ-береке тіледі",- делінген ақпаратта.

Бұған дейін Мемлекет басшысының Шанхай ынтымақтастық ұйымының бас хатшысы Нұрлан Ермекбаевты қабылдағаны хабарланған болатын.