18 желтоқсанда еліміздің басым бөлігінде боран соғып, қар жауатыны болжанады

Қазақстанда алдағы бейсенбі, 2025 жылғы 18 желтоқсанда ауа райы қолайсыз болатыны болжанады, деп хабарлайды Zakon.kz.

Бұл туралы "Қазгидромет" РМК-ның баспасөз қызметі ұсынған болжамда айтылады:

"Қазақстанның басым бөлігінде атмосфералық фронтальды бөліктердің жылжуына байланысты ауа райының тұрақсыз сипаты сақталады: боран соғып, қар жауады, батыста, оңтүстікте, оңтүстік-шығыста жауын-шашын (жаңбыр мен қар), көктайғақ болады деп күтіледі".

Сондай-ақ, республикамыздың басым бөлігінде тұман түседі, жел екпін алады деп болжанады.

Бұған дейін синоптиктер 2025 жылғы 18-20 желтоқсан аралығында Астана, Алматы және Шымкентте ауа райы қандай болатынын айтып, өз болжамдарымен бөліскен.