Тоқаев: Біз жасампаз әрі жаңашыл ұлт ретінде түбегейлі жаңғыру жолына бет бұрдық
© Сурет: akorda.kz
Мемлекет басшысы Қасым-Жомарт Тоқаев III Стратегиялық серіктестер форумында жаңа Конституцияның қабылдануын елдегі реформалардың ең басты бөлігі деп атады. Президенттің айтуынша, Ата заңда Қазақстанның мақсат-мұраты мен болашақтағы бейнесі айқын көрініс тапқан, деп хабарлайды Zakon.kz.
Мемлекет басшысы Әділетті Қазақстан құрудағы мақсаттың бірі – барша азаматқа тең мүмкіндік беру екенін айтты.
"Біз баршаға бірдей мүмкіндік беретін, адал еңбек пен айрықша жауапкершілік қасиеттерін жоғары бағалайтын Әділетті Қазақстанды құруға кірістік", – деді Қасым-Жомарт Тоқаев.
Президент "Таза Қазақстан" жалпыұлттық қозғалысының ықпалымен қоғамда жаңа этика қалыптаса бастағанын атап өтті.
"Біз жасампаз әрі жаңашыл ұлт ретінде түбегейлі жаңғыру жолына бет бұрдық. Реформаларымыздың ең басты бөлігі, бұл – Конституцияның қабылдануы. Азаматтарымыз жалпыұлттық референдумға белсенді қатысып, өз таңдауын жасады", – деді Мемлекет басшысы.
Тоқаев жаңа Конституцияның заңды күшіне енгенін еске салды. Оның сөзінше, Ата заңда Қазақстанның егемендігі мен тәуелсіздігі, жер тұтастығы, сондай-ақ азаматтардың заңды құқықтары мен бостандықтары мемлекеттің қастерлі құндылығы деп танылды.
"Қоғамда Заң мен Тәртіпті орнықтыру, жалпыұлттық бірлікті бекемдеу, халықтың әл-ауқатын арттыру бұлжымас қағидат ретінде бекітілді. Адам капиталын, білім мен ғылымды, инновацияны дамыту стратегиялық міндет деп белгіленді", – деді Президент.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:30, 19 қараша 2026
«Құрылыс және тағы да құрылыс» Қазақстанның мызғымас қағидаты, жалпыұлттық ұраны болуға тиіс – Президент
-
13:30, 19 қараша 2026
Қазақстанда 11 мемлекеттің жетекші университеттері өз филиалдарын ашты
-
13:29, 19 қараша 2026
Тоқаев: Біздің стратегиялық мақсатымыз – Қазақстанды Орталық Азияның академиялық хабына айналдыру
-
13:21, 19 қараша 2026
Қазақстанда білім беру гранттарына бөлінген қаржы жеті жылда екі есе өсті
-
13:18, 19 қараша 2026
Президент: Қазақстан адам капиталына басымдық беріп, нақты стратегиялық таңдауын жасады





