Танзанияда тырысқақ ауруы өршіп тұр

Өткен аптада Танзанияның оңтүстігінде, Мтвара аймағындағы Масаши ауданында 49 адам тырысқақпен ауырды, екі науқас қайтыс болды, деп хабарлайды Zakon.kz.

Xinhua агенттігі аймақтық билікке сілтеме жасай отырып, ауру Мбангала ауылында тіркелгенін мәлімдеді. Масаши округінің комиссары Лутери Канонидің айтуынша, аты жаман ауру аймақтағы судың жетіспеушілігінен туындауы мүмкін.

Танзания Денсаулық сақтау министрлігінің мәліметтері бойынша, осы жылдың қаңтар айынан бастап елдің 13 аймағында тырысқақ ауруының 134 ошағы анықталды, нәтижесінде 1521 адам ауруға шалдығып, оның 34-і көз жұмған.

Сәуір айында Дели – Алматы рейсімен ұшып келген жолаушыдан тырысқақ анықталғаны хабарланды.