Тамыз айында Астанадан Семей, Ақтөбе және Жезқазғанға жаңа әуе рейстері ашылады

Маусымдық сұраныстың артуына байланысты VietJet Qazaqstan әуекомпаниясы жазғы кезеңде ішкі бағыттар желісін кеңейтеді, деп хабарлайды Zakon.kz.

Әуекомпания баспасөз қызметінің мәліметінше, 1 тамыздан бастап Астана – Семей бағыты бойынша жаңа тұрақты рейс іске қосылады.

Сонымен қатар қосымша рейстер де енгізіледі:

• 3–8 тамыз аралығында – Астана – Ақтөбе бағыты;
• 1–31 тамыз аралығында – Астана – Жезқазған бағыты.

"Маршруттар желісінің кеңеюі жаз мезгіліндегі жолаушылар сұранысын тиімді қамтамасыз етіп, өңірлердің көлік қатынасының қолжетімділігін арттыруға мүмкіндік береді. Сондай-ақ жолаушыларға Қазақстан ішінде саяхаттаудың қосымша әрі қолайлы нұсқалары ұсынылады",- делінген компания мәліметінде.

Бұған дейін қазақстандық әуекомпания Астанадан ұшатын жолаушыларға маңызды үндеу жасағанын жазғанбыз.