Талғарда қаза тапқан жасөспірімнің үйі өртенді: ІІМ бірінші орынбасары оқиға орнында жүр

Талғарда қаза тапқан жасөспірімнің үйі өртенді. Ішкі істер министрінің бірінші орынбасары Бауыржан Аленов қазір оқиға орнында жүр, деп хабарлайды Zakon.kz.

"Ішкі істер министрінің тапсырмасы бойынша мен оқиға орнына келдім. Жедел-тергеу тобы құрылды. Менімен бірге Ішкі істер министрлігінің өкілдері қызмет атқарып жатыр", - деді ол.

Оның айтуынша, бейнежазбалар тексеріліп, куәгерлерді анықтау жұмыстары жүргізіліп жатыр. Қылмыскерлер ұсталып, жауапқа тартылады.

"Қылмыстық іс министрдің ерекше бақылауында, - деді Бауыржан Аленов.