Сыр өңірінде «Таза Қазақстан» республикалық экологиялық акциясы аясында «Киелі мекен» апталығы бастау алды
© Сурет: Қызылорда облысы әкімдігінің баспасөз қызметі
Сыр елінде “Киелі мекен” апталығындағы сенбілікке 3000 адам қатысты, 100-ге жуық іс-шара өтті. Тарихи-мәдени нысандардың маңайына 5000-ға жуық ағаш көшеттері отырғызылды, деп хабарлайды Zakon.kz.
Қызылорда облысында мемлекет қорғауына алынған 567 тарихи-мәдени ескерткіш бар. Осы ретте, 14-20 сәуір аралығына жоспарланған "Киелі мекен" апталығында облыс аумағындағы барлық тарихи-мәдени ескерткіштер абаттандырылады.
Сурет: Қызылорда облысы әкімдігінің баспасөз қызметі
Акцияның алғашқы күні Қызылорда қаласындағы Қорқыт ата кітабының 1300 жылдығына арналған ескерткіші, Ұлы Отан соғысында қаза тапқандарға қойылған белгі, Амангелді Иманов, Жанқожа Нұрмұхамедұлы ескерткіштерінің маңайы тазартылды.
"Игі бастамаға Аралдықтар да атсалысып, аудан тұрғындары Балықшылар музейінің ауласына тазалық және көркейту-көгалдандыру жұмыстарын жүргізіп, Әбдіжәміл Нұрпейісов мұражайының аумағына әктеу, сырлау жұмыстарын жүргізіп, ағаш көшеттерін отырғызды. Аталған шараға қала тұрғындары, мәдениет және өнер саласының қызметкерлері белсенді қатысты."Қызылорда облысы әкімдігінің баспасөз қызметі
Сурет: Қызылорда облысы әкімдігінің баспасөз қызметі
Қазыналы Қазалы ауданының тұрғындары да акцияға ерекше қолдау білдіруде.
"Аудан халқы Жанқожа батыр кесенесі мен Ғ. Мұратбаевтың мемориалдық музейінің аумағына тазалық жұмыстары жүргізіп, ағаш көшеттерін отырғызды. Бұдан бөлек қазақ хандығының астаналарының бірі "Жанкент" қалашығы мен Бегім ана мұнарасы, Кердері кесенелерінің аумақтары да абаттандырылды.",- деп хабарлады әкімдік баспасөз қызметі
Сонымен қатар, "Киелі мекен" апталығында қармақшылықтар түркі жұртына ортақ қасиетті орын Қорқыт ата ескерткішінің кешені мен "Марал ишан", "Қалқай ишан" кесенелері аумағына тазалық жұмыстары жүргізген.
Сурет: Қызылорда облысы әкімдігінің баспасөз қызметі
Жалағаш ауданындағы киелі нысандар: Бұқарбай батыр және Ұлы Отан соғысы ескерткішінің, "Түмен әулие" кесенесінің аумақтары тазартылды. Жалағаштықтар кесене аумағына ағаш көшеттерін отырғызып, күл-қоқыстардан тазартты. Сонымен қатар, Сырдария ауданындағы "Асанас", "Қышқала" қалашықтары мен "Қалжан ахун" мешіт-медресесін аумағына тазалық жұмыстары жүргізіліп, игі бастамаға белсене араласқан тұрғындар көгалдандыру шараларына да атсалысты.
"Шиелі ауданындағы киелі орын саналатын Оқшы ата қорымының айналасына тазалық жұмыстары жүргізіліп, ағаш көшеттері отырғызылды. Жаңақорғандағы "Қорасан ата" кесенесі мен "Сығанақ" қалашығы маңы қоқыстардан тазартылды.",- деп толықтырды әкімдіктің баспасөз қызметі
Сурет: Қызылорда облысы әкімдігінің баспасөз қызметі
Аталған акцияға аудан тұрғындары, мәдениет және өнер саласының қызметкерлері, сала ардагерлері ерекше қолдау білдірді.
Апта соңына дейін Жалаңтөс Баһадүр ескерткіші, Саяси қуғын-сүргін құрбандарына арналған мемориалды ескерткіші, С.Қожанов, Ы.Жахаев бюсттері мен Мұстафа Шоқай, Бұқарбай Естекбайұлы, Ғани Мұратбаев ескерткіштері, Батырхан Шөкенов атындағы саябақтарға тазалау жұмыстары жүргізу жоспарланған.
Сурет: Қызылорда облысы әкімдігінің баспасөз қызметі
"Жалпы тек акция аясында ғана емес облыс көлеміндегі көркейту-көгалдандыру және санитарлық-тазалық сенбіліктері барлық елді мекендерінде көктемнің алғашқы күні 1 наурыздан бастау алып, тұрақты түрде жүруде."Қызылорда облысы әкімдігінің баспасөз қызметі
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:58, 30 сәуір 2024
1 мамырда Қазақстанның бірнеше өңірінде үсік болып, қар жауады
-
22:15, 30 сәуір 2024
Қазақстандағы су тасқыны: АҚШ азаматы да тұрғындарға көмектесіп жүр
-
21:35, 30 сәуір 2024
Кентаулық оқушы қыз смартфон алу үшін жинаған ақшасын Құлсарыға көмек ретінде берді
-
21:04, 30 сәуір 2024
Депутат республикалық су комиссиясын құруды ұсынды
-
20:26, 30 сәуір 2024
Жыл басынан бері терроризм мен экстремизмге қатысы бар 25 адам сотталды