Депутат республикалық су комиссиясын құруды ұсынды
© Фото: zakon.kz
ҚР Парламенті Мәжілісінің депутаты Бақытжан Базарбек су тасқынынан зардап шеккен қазақстандықтарға арналған "Біз біргеміз" ұлттық телемарафоны эфирінде заңсыз жекеменшікке өтіп кеткен бөгеттерді қайтару үшін республикалық су комиссиясын құруды ұсынды, деп хабарлайды Zakon.kz.
Базарбек алдағы уақытта Қазақстанда ірі су тасқыны қаупін барынша азайтатын шараларды айтты.
"Бірінші кезекте жер комиссиясы сияқты республикалық су комиссиясын құру қажет. Жер комиссиясы бар екенін білесіздер. Оның жұмысының нәтижесі бойынша мемлекетке 10 млн га қайтарылды. Су комиссиясы шеңберінде өз уақытында су объектілерін – су қоймаларын, бөгеттерді берудің заңдылығын (жеке қолдарға – Ред.) тексеру қажет. Прокуратура, сыбайлас жемқорлыққа қарсы қызмет, Су ресурстары министрлігі өкілдерінің, Парламент депутаттарының қатысуымен тексеру қажет. Заңсыз берілген объектілерді, сондай – ақ қызмет көрсету шаралары жүргізілмейтін объектілерді мемлекетке қайтару қажет", - деп атап өтті мәжілісмен.
Сонымен қатар ол ғарыштық мониторинг жүргізуді, су ресурстарын басқару жүйесін автоматтандыруды, су және жер кадастрларын біріктіруді ұсынды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
21:35, 21 мамыр 2024
Бекетаевты қамауда ұстау мерзімі тағы ұзарды
-
21:20, 21 мамыр 2024
Биыл Ұлытау облысында 12 нәресте шетінеген
-
21:04, 21 мамыр 2024
Қазақстан жаһандық туризм рейтингінде өз орнын жақсартты
-
20:51, 21 мамыр 2024
Қазақстанда интернет-алаяқтыққа қарсы антифрод-тетігі енгізілді
-
20:47, 21 мамыр 2024
Павлодарда жиеніне азғындық жасаған ер адам сотталды