Қауіпсіздік талаптарын сақтамағаны үшін бірқатар нысандарға 48 млн теңгеге айыппұл салынды

09:08, 30 сәуір 2024

© Сурет: pixabay

Қауіпсіздік талаптарын бұзғаны үшін ішкі істер органдары адамдар көп жиналатын объектілерді тексеру шеңберінде 48 млн теңгеге айыппұл салды, деп хабарлайды Zakon.kz.

ІІМ мәліметінше, Бүгінгі таңда аймақтық тізімдерге террористік тұрғыдан осал санатқа жататын адам көп жиналатын 17 мыңнан астам нысан бар. Жыл басынан бері 1804 нысан тексерілді. Оның ішінде:

  • ойын-сауық орталықтары;
  • ірі сауда;
  • қоғамдық тамақтану орындары;
  • білім беру ұйымдары.

Тексеру нәтижесінде заңнамада белгіленген қауіпсіздік талаптарын бұзудың 581 дерегі анықталды. Кемшіліктер алғаш рет анықталған объектілердің басшылары мен меншік иелеріне нақты уақыттың көрсетілуімен оларды жою туралы нұсқамалар берілді. Сонымен қатар сеніп тапсырылған объектінің терроризмге қарсы қорғалуын қамтамасыз ету жөніндегі талаптарды бірнеше рет бұзғандарға ӘҚБтК-нің 149-бабы бойынша 180 әкімшілік материал толтырылды. 48 млн теңге айыппұл салынды.

"Тексерулер тек кемшіліктерді анықтаумен ғана шектелмейді. Полиция қызметкерлері мекеме персоналының, сондай-ақ күзет қызметінің төтенше жағдайлардағы іс-қимылдары туралы білімі мен дағдыларының деңгейін анықтап, оларға сабақ өткізеді. Мұндай түсіндіру жұмыстарымен 40 мыңға жуық қызметкер қамтылды", – деді ведомствода.

Алматы полициясы алаяқтық жасады деген күдіктілердің суретін жариялады.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!