Супермаркетте 500 мың теңгесінен айырылып қала жаздаған зейнеткерді қала тұрғыны құтқарып қалды
© Сурет: Қостанай облысы полиция департаменті
Қостанайда алаяқтықтың алдын алу мүмкін болды. Оқиға супермаркеттегі банкоматтың жанында болған. Егде жастағы әйел шотына 500 мың теңге салмақ болған, деп хабарлайды Zakon.kz.
Жақын маңда болған супермаркетке келушілердің бірі зейнеткердің алаяқтардың ықпалына түсуі мүмкін екенін байқап, араша түскен.
Ол әйелге ықтимал қауіп-қатерді түсіндіріп, алаяқтардың жиі қолданатын тәсілдері туралы айтып берген. Сондай-ақ ақшаны аудармауға көндірген. Осыдан кейін оқиғаға қатысушылар болған жағдай туралы 102 нөміріне хабарлаған.
Оқиға орнына учаскелік полиция инспекторлары жетті. Олар мән-жайды анықтау үшін зейнеткерді Қостанай қалалық полиция басқармасына жеткізді.
Қала тұрғынының қырағылығы мен полицейлердің жедел әрекетінің арқасында 500 мың теңгенің алаяқтардың қолына түсуіне жол берілмеді.
Полиция алаяқтар адамдарға психологиялық қысым көрсетіп, жинаған ақшасын белгісіз шоттарға аударуға көндіретінін ескертеді. Бейтаныс адамдардың нұсқауымен қаржылық операциялар жасамау керек. Күдікті жағдайға тап болсаңыз, 102 нөміріне хабарласқан жөн.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
20:46, 17 қараша 2026
18 қарашада қыс қаһарына мінеді: Қазақстанның 17 өңірінде дауылды ескерту жарияланды
-
20:31, 17 қараша 2026
Қазақстандық шпагашылар Ташкентте өтетін әлем кубогы кезеңіне қатысады
-
19:46, 17 қараша 2026
Садақ атудан жастар арасындағы Азия чемпионатында ел намысын кімдер қорғайды
-
19:30, 17 қараша 2026
Қостанай облысында жерасты суын рұқсатсыз пайдаланған шаруашылықтар жауапқа тартылды
-
19:05, 17 қараша 2026
Пара алғандар мен алаяқтың 4 млн теңгесі мемлекетке қайтарылды





