100 жастағы ардагер ұзақ өмір сүру құпиясын айтып, танымал музыкантпен туыстығы барын жеткізді
© Фото: Zakon.kz
АҚШ-та Екінші дүниежүзілік соғыс ардагері 100 жасқа толып, ұзақ өмір сүру құпиясымен бөлісті. Мерейтой иесіне ел президенттерінен ресми құттықтаулар келді, деп хабарлайды Zakon.kz.
PEOPLE басылымының жазуынша, Герберт Юджин Хол 100 жылдық мерейтойын үлкен отбасының ортасында атап өткен. Оның балалық шағы Ұлы депрессия кезеңіне тұспа-тұс келген. Ал 1944 жылы 17 жасында үш ағасының жолын қуып, өз еркімен әскери-теңіз күштеріне қызметке кеткен.
Ардагердің немересі Элиз Томсон-Холдың айтуынша, ол Тынық мұхитындағы әскери-теңіз күштері құрамында ұрыс қимылдарына қатысқан.
Ғасырлық ғұмырына көз жүгірткен америкалық ұзақ өмір сүруге көмектескен басты өмірлік қағидаларымен бөлісті.
"Өткенге көз жүгіртіп, қателіктеріңізді мойындап, олардан сабақ алыңыз. Сонда жақсы адам бола түсесіз", – деді Герберт Юджин Хол ұзақ өмір сүру құпиясымен бөлісіп.
Ұзақ ғұмырында Хол төрт бала тәрбиелеп өсірген. Олардың барлығы жоғары білім алып, кәсіби салаларында табысқа жеткен.
Сонымен қатар ардагердің әйгілі Hall & Oates поп-дуэтінің мүшесі, танымал музыкант Дэрил Холлдың туған ағасы екені анықталды.
Дональд Трамп пен Джо Байденнен келген хаттардан бөлек, мерейтой иесіне Пенсильвания штатының билігі де арнайы сертификаттар табыстаған.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
14:08, 17 қараша 2026
Аргентинада матч кезінде жас футболшының басына доп тиіп, қаза тапты
-
10:37, 17 қараша 2026
Моңғолия президенті жемқорлыққа қатысты айыптаулардан кейін отставкаға кететінін мәлімдеді
-
09:59, 17 қараша 2026
Шотландиялық маман «Елімайдың» бас бапкері атанды
-
09:48, 17 қараша 2026
Австралиялық ер адам бейтаныс жүргізушіні құтқару үшін өз көлігін әдейі соққан
-
16:57, 16 қараша 2026
Индонезияда жойқын құйын төрт аудандағы жүздеген ғимаратты қиратты





