Су тасқынынан зардап шеккендерге Құлсарының қауіпсіз аймағынан жер телімдерін беру ұсынылды

Атырау облысының ТЖ жөніндегі жедел штабының мәліметінше, "Болашақ" ықшам ауданында орналасқан 14-ке жуық үй бір айдан астам уақыттан бері суда қалып келеді. Бұл тұрғындарға Құлсары қаласының қауіпсіз аймағынан жер телімдерін беру ұсынылды, деп хабарлайды Zakon.kz.

Жылыой ауданы әкімінің хабарлауынша, ықшам ауданның 14-ке жуық үйі ойпатта орналасқан. Сондықтан судан құрғату жұмыстарының қарқынды жүргізіліп жатқанына қарамастан, аталған аумақтан су өте баяу кетіп жатыр.

Осыған байланысты Жылыой ауданының әкімі Жұмабек Қаражанов аталған ықшамауданның су басқан үйлердің тұрғындарына болашақтықтар үшін, Құлсарының биік жерінен жаңа үйлер салуға және жер учаскелерін бөлуді ұсынды.

"Мен тұрғындарға тасқын суды каналға жіберудің орнына, Құлсары қаласының қауіпсіз бөлігінде жер телімдерін бөлуді ұсынып отырмын. Бұған дейін бізде болуы мүмкін барлық шығындарды есептейміз. Тұрғындар мұндай ұсынысқа қарсы емес. Енді біз қажетті құжаттар мен актілерді дайындаймыз. Тұрғындар қаланың қауіпсіз бөлігінде жер учаскелерін беруге келіскен жағдайда, бағалау компаниясын шақырып, осы бағытта жұмысты бастаймыз", - деді Жұмабек Қаражанов.

Еске сала кетелік, Құлсары қаласында су тасқынынан зардап шеккен 200-ден астам үйдің залалын бағалау нәтижелері дайындалып, таныстырылды. Жақын арада Жылыой ауданының әкімдігімен меморандум жасасқан тұрғындарға өтемақы төлеу басталады.

Бұған дейін Қаржы министрлігі Құлсарыда су тасқынынан болған залалды бағалау қалай жүргізілетінін түсіндірген еді.