Солтүстік Қазақстан облысының Қызылжар ауданында төтенше жағдай жарияланды

16:57, 26 сәуір 2017

Солтүстік Қазақстан облысында Есіл өзенінен тасыған судың деңгейі кей жерлерде 9 метрге дейін көтеріліп, 9 шақырымға жайылған. Тасқын су Тепличное селосын басып, Прибрежное елді мекеніне қауіп төндіріп тұр.

Осыған байланысты Қызылжар ауданында төтенше жағдай жарияланды. Бүгінгі күні облыста 170-тен астам үй суда қалған. Құтқарушылар осы күндері қауіпті аймақтан 800-ге жуық адамды эвакуациялады. Қауіп әлі сейілмеді. Ал жергілікті атқарушы билік өкілдері биыл Петропавлдың Былғары зауыты кентіндегі дамбаны ұзартуды жоспарлап отыр.

Ерік Сарыбаев, облыстық ТДЖ бастығының орынбасары:

-Прибрежное елді мекені бойынша қазіргі таңда 166 адам, оның ішінде 23 бала көшірілген. Тепличное елді мекенінде 138 адам, оның ішінде 43 бала көшірілген. Эвакуациялау үшін біздің 6 қайық жұмыс істеуде.

Источник: khabar.kz

Подписывайтесь на наш Telegram-канал. Будьте в курсе всех событий!
Мы работаем для Вас!