Рыбакинаның Цинциннати турниріндегі алғашқы қарсыластары белгілі болды

00:06, 7 тамыз 2025

© Фото: zakon.kz

АҚШ-тың Цинциннати қаласында WTA 1000 санатындағы ірі әйелдер турнирінің жеребесі өтті. Бұл жарысқа тоғызыншы нөмірмен Қазақстанның үздік теннисшісі Елена Рыбакина қатысады, деп хабарлайды Zakon.kz.

Қазақстан әйелдер құрамасының көшбасшысы америкалық “Мастерстің” негізгі сеткасында алғашқы айналымда ойнамайды. Ал одан кейінгі қарсыласы – отандасы Юлия Путинцева болуы мүмкін. Бұл үшін Путинцева бірінші айналымда әлемнің 68-ракеткасы, мексикалық Рената Сарасуаны ұтуы керек.

Дегенмен, кейінгі уақытта Қазақстанның екінші ракеткасының нәтижесі көңіл қуантарлық емес. Сол себепті Елена мексикалық спортшымен де кездесуі ғажап емес.

Цинциннатидегі турнир әзірше қарқын алып жатыр, қазір іріктеу кезеңінің ойындары өтуде.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!