Полицейлер желідегі мониторингті күшейтті: «Мигель Коуч» лақап атымен танымал блогер ұсталды

09:58, 7 тамыз 2026

MKZ: 1560111

© Сурет: polisia.kz

Қазнетте "Мигель Коуч" лақап атымен танымал блогер Мирас Беркинбаев тұтқындалды. Оның ұсталуына TikTok әлеуметтік желісіндегі былапыт сөздері себеп болған, деп хабарлайды Zakon.kz.

Құқық қорғау органдарының мәліметінше, бейнежазба әлеуметтік желілерге жүргізілген мониторинг барысында анықталған. Видеода ер адам қоғамдық орында бейнежазба түсіру барысында балағат сөздер айтып, қоғамдық тәртіпті бұзған.

"TikTok әлеуметтік желісінде ер адамның қоғамдық орында бейнежазба түсіру барысында балағат сөздер айтып, қоғамдық тәртіпті бұзғаны анықталды. Кейін ол аталған бейнежазбаны өзінің парақшасында жариялап, құқыққа қайшы әрекетін көпшілікке ашық түрде таратқан",- деп мәлімдеді ведомство.

Посмотреть эту публикацию в Instagram

Публикация от Астана қаласының Полиция департаменті (@police__astana)

Полиция қызметкерлері оның жеке басын жедел анықтады. Құқық бұзушы 32 жастағы Мирас Беркинбаев болып шықты. Осылайша, ол өзінің әрекеті үшін сот алдында жауап берді.

Аталмыш тұлға әкімшілік жауаптылыққа тартылып, сот шешімімен 10 тәулікке қамауға алынды.

Бұған дейін заңсыз контент таратқан 20-дан астам стример жауапкершілікке тартылғанын жазғанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!