Полицейлер арасында жемқорлық туралы анонимді сауалнама жүргізіледі
Қазақстанда ІІМ қызметкерлері арасында сыбайлас жемқорлық тақырыбында анонимді сауалнама жүргізіледі, деп мәлімдеді "Талап" қолданбалы зерттеулер орталығының өкілі Серік Беркамалов Сыбайлас жемқорлыққа қарсы іс-қимыл агенттігінің брифингінде, деп хабарлайды Zakon.kz.
– ІІМ қызметкерлері арасында сыбайлас жемқорлық тақырыбында анонимді сауалнама жүргізіп, олардың іштей жемқорлықты қалай түсінетіні, ІІМ ұжымындағы өзара қарым-қатынас қандай екенін білмекпіз. Анкета дайын, оны әзірлеу шамамен екі айға созылды, шетелден де, өз елімізден де ең жетекші деген әлеуметтанушыларды тартып, сауалнаманың жобасын дайындадық, – деді Беркамалов.
Оның сөзінше, сауалнама ағымдағы жылдың 4-ші тоқсанында жүргізіледі, оған кемінде 2000 адам қатысады деп жоспарлануда.
– Анонимді анкетада бірнеше бөлім болады, оның бірі қызметкерлердің өз жұмысына көңілі толуы мен жұмыста не ынталандыратынына қатысты. Жемқорлықты қалай түсінетіні, жемқорлықтың бейресми қарым-қатынастардың қай деңгейінен басталатынын зерттемекпіз. Ауызша алғыстар бар немесе кішігірім сыйлықтар – бәрін зерттегіміз келеді. Үшінші бөлім сыбайлас жемқорлықтың қарқынына арналады, біз тіпті қай бөлімшенің абырой-беделі қандай екенін де білгіміз келеді. Яғни, Ішкі істер министрлігінің жүйесінің қай бөлімшелерінде жемқорлық жоғары екенін анықтамақпыз, – деді "Талап" орталығының өкілі.
Сауалнама қорытындысы бойынша ІІМ-де өзгерістер жасалады.
– Ішкі істер министрлігінде қолданылатын барлық нормативтік құқықтық актілерге талдау жасалады. Бұйрықтар, қызметтік ішкі бұйрықтар. Біз олардың бәрін сыбайлас жемқорлық тәуекелдері бойынша тексеруіміз керек. Сыбайлас жемқорлық тәуекелдерін анықтағаннан кейін қандай өзгерістер жасау керектігі туралы ұсыныс береміз және Ішкі істер министрлігі мен Агенттік заңнамаға өзгертулер енгізу туралы шешім қабылдайды, – деді Серік Беркамалов.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:17, 19 сәуір 2024
Алматы облысында полицейді жаралаған тиран еркек оқиғасына қатысты тың дерек жарияланды
-
17:05, 19 сәуір 2024
Бишімбаевтың ісі: судья Құлбаева мәлімдеме жасады
-
17:03, 19 сәуір 2024
Өскеменде ұрылар 94 млн теңгені жымқырып, қайықпен қашып кетті
-
16:32, 19 сәуір 2024
Астанада Манас ескерткіші салтанатты түрде ашылды
-
16:17, 19 сәуір 2024
Қонаев қаласының жаңа әкімі тағайындалды