Перизат Қайрат пен Қуандық Бишімбаев рақымшылыққа ілігуі мүмкін бе

2026 жылғы 3 маусымда Мәжілісте өткен брифингте Ішкі істер вице-министрі Санжар Әділов Перизат Қайрат пен Қуандық Бишімбаевқа рақымшылықтың қолданылу мүмкіндігі туралы сұраққа жауап берді, деп хабарлайды Zakon.kz тілшісі.

Оған бұл сұрақты журналистер қойды.

"Сіздер атап өткен тұлғаларға қатысты айтарым – менің жауабым: үзілді-кесілді жоқ", – деді Әділов.

Оның айтуынша, бұған Қазақстан Республикасының Қылмыстық кодексі кедергі келтіреді.

"Өйткені Қылмыстық кодекстің 78-бабы терроризмге, экстремизмге, мемлекеттік опасыздыққа, сыбайлас жемқорлыққа қатысты қылмыстар жасаған, сондай-ақ қылмыстық топ құрамында әрекет еткен адамдарға амнистия қолдануға тікелей тыйым салады. Сондықтан бұл тұлғаларға рақымшылық қолдану мәселесі мүлде қарастырылмайды және алдағы уақытта да қаралмайды", – деп түсіндірді вице-министр.

Бұған дейін Қазақстанда жемқорлар, педофилдер мен лаңкестер рақымшылыққа ілікпейтіндігін жазғанбыз.