Павлодар облысында жол апатынан екі адам қаза тапты

23:20, 12 желтоқсан 2025

MKZ: 1519589

© Сурет: Zakon.kz

Павлодар облысында жол апатынан екі адам қаза тапты, тағы бір адам зардап шекті, деп хабарлайды Zakon.kz pavlodarnews.kz-ке сілтеме жасап.

Павлодар облыстық полиция департаменті екі адам қаза тауып, тағы бір адамның жарақат алған жол апаты бойынша қылмыстық іс қозғады. Күдікті жүргізуші уақытша ұстау изоляторына қамауға алынды.

"Алдын ала мәліметтер бойынша, "Екібастұз – Солнечный" автожолының 10-шақырымында КамАЗ маркалы автокөлік НефАЗ тіркемесімен қарсы қозғалыс жолағына шығып, Great Wall автокөлігімен соқтығысқан. Көктайғақ салдарынан екі көлік те жолдан тайып, аударылып, сайға құлаған".

Полицейлердің айтуынша, екі автокөлік те мамандандырылған тұраққа қойылды. Оқиғаның мән-жайы мен себептері тергеу барысында анықталады.

Еске салайық, бұған дейін Алматыда есірткіге мас күйде көлік басқарған жүргізуші ұсталғанын хабарлаған едік.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!