Патрульдік полиция велосипед ұрлаған ақмолалықты ұстады

28 наурыз күні облыс орталығының 37 жастағы тұрғыны полицейлерге белгісіз адам үйдің подъезінен Drive маркалы велосипед ұрлап кеткенін хабарлаған.

Ақмолалықтың айтуынша, велосипедтің жоғалуын оның жұбайы таңертеңгі жүгіріс барысында анықтаған. Басқа біреудің екі доңғалақты көлігімен серуен 33 жастағы бұрын істі болған жергілікті тұрғын үшін қысқа болды. 28 наурыз күні сағат 05:30 шамасында Абай көшелері мен жағалаудың қиылысында оны Көкшетау қаласы полиция басқармасының патрульдік полиция батальонының қызметкерлері ұстады, ал оның осындай ерте сағаттағы сапары жедел басқару орталығының бейнебақылау камераларының объективіне түскен.

Күдікті тәртіп сақшыларына көпқабатты үйдің подъезіне жылынуға кіргенін және баспалдақтағы велосипедті көріп, досына барып келуге шешім қабылдағанын мойындады. Медициналық куәландыру қорытындысына сәйкес ер адам мас күйде болған. Аталған дерек ҚР ҚК-нің 188-бабы 1-бөлігі (Ұрлық) бойынша сотқа дейінгі тергеу жүргізіліп жатыр.