«Ойын басталды!»: Ұлытау жастары салауатты өмір салтын интеллектуалдық квестпен дәлелдеді

Детективтік іздеу, жылдам шешім және достық бәсекелестік — Сәтбаев қаласында жастарға арналған "Салауатты ұрпақ – жарқын болашақ" интеллектуалдық квесті өтті.

Ұлытау облыстық Полиция департаменті жастармен заманауи интерактивті форматта тіл табысуды ұйғарды. 4 командаға бөлінген 16 қатысушы ойын барысында тек логикасын емес, қауіпсіздік пен салауатты өмірге қатысты білімдерін де сынға салды.

Қатысушылар әр кезеңде тапсырмаларды уақытқа шешіп, нағыз командалық рухты сезінді.

Үздік шыққан үздіктер жүлделі орындарды бөлісіп, белсенді қатысушылар Ұлытау облысы ПД бастығы, полиция полковнигі Бауыржан Сапардың Алғыс хаттарына ие болды.

Бұл шара жастарға маңызды хабарламаны жеткізді: жаңа ғасырдың нағыз тренді — білімді болу, салауатты өмірді таңдау және өз болашағына жауапкершілікпен қарау.