Наурызнама-2025: «Шаңырақ» күнінде 56 жұп некесін қиды

Кеше Наурызнаманың үшінші күні шаңырақ күнінде 56 жұп некесін қиды. Атаулы датаға орай салтанатты түрде неке қию рәсімі ұйымдастарылды. Оған ықылас білдірген 4 жұп қатысты.

Ал 25, 50 жыл отасқан ерлі-зайыптылар жастарды құттықтап, кеңес берді. Биыл 1 қаңтардан бастап елордада 17 мыңнан астам неке тіркелген.

"Біздің отбасымыздың ең алғашқы мерекесі Наурыз мерекесімен, қазақтың жаңа жылымен, дәстүрлі киіммен әдемі өтуіне мүмкіндік берілгеніне шын жүректен қуаныштымыз. Басқа адамдарға қарағанда біз салтанатты өткеніне қатты қуаныштымыз." Айнела Қожахметова, қала тұрғыны

Отбасы құрғанымызға 25 жыл. Жастар отбасын құрып отыр. Соларға тілейтінім бар – жақсылық, шыдам, түсінік болу керек бір-біріне. Сонымен мықты отбасы болғанын, көпбалалы бақытты болғанын тілеймін,- дейді Абай Жылқышиев, қала тұрғыны.