NASA экипаж санының қысқаруына байланысты Crew-12 миссиясының ХҒС-қа ұшырылу уақытын өзгертті
© Сурет: Facebook/International Space Station
NASA агенттігі медициналық себептермен Crew-11 экипажы Халықаралық ғарыш станциясынан (ХҒС) шұғыл түрде Жерге оралғаннан кейін Crew-12 пилотталған миссиясының ұшырылу мерзімін өзгерту туралы шешім қабылдады, деп хабарлайды Zakon.kz.
Осы жағдайға байланысты Crew-12 миссиясының ұшырылу уақыты 2026 жылғы 15 ақпаннан 11 ақпанға ауыстырылды. Мұндай ақпаратты NASA-ның баспасөз қызметі таратты.
Қаңтар айында Crew-11 экипажының бір мүшесіне медициналық эвакуация қажет болуына байланысты команда ХҒС-ты мерзімінен бұрын тастап кеткен еді. Осыдан кейін орбитада тек үш адам қалды: бір америкалық астронавт және екі ресейлік ғарышкер.
Станциядағы экипаж құрамының қысқаруына байланысты NASA SpaceX компаниясымен бірлесіп жаңа ауысымды жедел жіберу туралы шешім қабылдады. Мұндағы басты мақсат – экипаждың штаттық санын қалпына келтіріп, ХҒС-та жоспарланған жұмыстардың толық орындалуын қамтамасыз ету.
28 қаңтарда Crew-12 миссиясының қатысушылары Хьюстон қаласындағы NASA-ның ғарыш орталығында міндетті екі апталық карантинді бастады. Экипаж құрамына мыналар кірді:
- NASA астронавтары Джессика Мейр мен Джек Хэтэуэй;
- Еуропалық ғарыш агенттігінің астронавты Софи Аденот;
- "Роскосмос" ғарышкері Андрей Федяев.

Сурет: nasa
NASA мәліметінше, карантин ғарыш станциясына жұқпалы аурулардың ену қаупін азайту мақсатында енгізіледі. Осы кезеңде экипаж мүшелерінің сыртқы ортамен байланысы шектеліп, олармен қатынасатын барлық тұлғалар медициналық тексеруден өтеді.
6 ақпанда экипаж NASA-ның Кеннеди атындағы ғарыш орталығына барып, карантин талаптарын сақтай отырып, ұшыру алдындағы дайындықты жалғастырады.
Crew-12 миссиясының ұшырылымы Флорида штатындағы Канаверал мүйісінен жоспарланған. Экипаж SpaceX компаниясының Crew Dragon ғарыш кемесімен, Falcon 9 зымыран-тасығышының көмегімен ХҒС-қа аттанады. Алғашқы ұшыру терезесі 11 ақпан күні Мәскеу уақытымен сағат 14:00-де ашылады. Қосымша резервтік күндер 12 және 13 ақпанға белгіленген.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
15:47, 2 ақпан 2026
«Таза Қазақстан» бағдарламасы аясында Ұлытау облысында экологиялық іс-шаралар өтті
-
15:41, 2 ақпан 2026
Ресейдің Тергеу комитеті қазақстандық судьяның өліміне қатысты істі тексеруді бастады
-
15:33, 2 ақпан 2026
Ұлытау облысында конституциялық реформа мәселелері талқыланды
-
15:22, 2 ақпан 2026
Қазақстандық заңсыз қамауға алынғаны үшін 8 млн теңге шамасында өтемақы өндіріп алды
-
15:17, 2 ақпан 2026
Күніне 18,5 миллион доллар: Ұлттық Банк Ұлттық қордан сатылған валюта көлемін атады





