Мемлекет басшысы барлық өңірде Инклюзивті спорт орталығын салу тапсырмасын берді

Қазақстан Президенті ерекше күтімді қажет ететін балалар мәселесіне ерекше мән берілетінін атап өтті.

"Кеше мен Астанадағы Инклюзивті спорт орталығында болдым. Мұндай орталықтарды еліміздің барлық өңірінде салу қажет", – деді Мемлекет басшысы.

Ол Үкіметке әкімдермен бірлесіп мәселені жан-жақты пысықтап, шұғыл шаралар қабылдауды тапсырды.

"Бұл орталықтардың тек елордада ғана болуы дұрыс емес, әрбір облыста салу керек. Бұл әкімдердің жұмысындағы олқылық деп айтуға болады", – деді Президент.

Сонымен қатар, Мемлекет басшысы әлеуметтік міндеттемелерге назар аударды. Биыл зейнетақы мен жәрдемақы төлеуге 5,9 триллион теңге бөлінгенін, ал келесі жылы бұл көрсеткіштің тағы 10 пайызға өсетінін жеткізді.