Машина жасаушылардың ынтымақтастығы: AGROMASH CLAAS тракторларына арналған бөлшектерді шығарады

Өнеркәсіптік кооперация аясында AGROMASH зауыты Локализациялық орталығының қабырғасында CLAAS тракторларына арналған бөлшектерді шығаруды бастады, деп хабарлайды Zakon.kz.

"AGROMASH" зауыты "СТ ЭСЭМБЛИ" ЖШС зауытымен бірге CLAAS ауылшаруашылық техникаларына арналған бөлшектерді өндіру және жеткізу туралы келісім шартқа отырды.

"Бүгінгі таңда өнеркәсіптік кооперация аясында Локализациялық орталығының қабырғаларында CLAAS тракторларына арналған алдыңғы жүктер және негізгі тораптар, сондай-ақ CERIO және VARIO орақтарына арналған көлік арбалары сияқты компоненттер өндірілуде. Локализациялық орталығы Қазақстанда өндірісті локализациялауды арттыру үшін құрылған. Өткен жылдың өзінде зауыт қабырғасында 250 мыңнан астам компонент дайындалды", - деді AGROMASH зауытының операциялық тиімділігі жөніндегі директоры Бахтияр Балгужин.

Қостанайлық машина жасаушылар атап өткендей, заманауи жабдықтар мен білікті қызметкерлер қазақстандық ауыл шаруашылығы немесе коммерциялық техника өндірушілеріне өнеркәсіптік құрастыру туралы келісімдерді орындау үшін қолайлы жағдайларды қамтамасыз етуге мүмкіндік береді. "LOVOL", "Deutz-Fahr" тракторлары мен комбайндар, "ESSIL" комбайндары және басқа да тіркеме мен аспалы техникалардың өзіндік өндірістік желісінен басқа, кәсіпорын "Дон Мар", "ALLUR", Қостанай трактор зауыты, Технопарк сияқты компаниялар үшін қажетті компоненттерді шығарады.