Маңғыстау облысындағы ауыл мектебінде 11 оқушы уланып қалды

22:42, 3 сәуір 2025

© Сурет: pixabay

Маңғыстау облысы Бейнеу ауылында 11 оқушы тамақтан уланды деген күдік бар, деп хабарлайды Zakon.kz.

Lada.kz хабарлауынша, Бейнеу ауылындағы орта мектептердің бірінің оқушылары ауруханаға түскен, оларда уланудың белгілері байқалған.

Балалар - Манашы орта мектебінің 2, 3, 5-сынып оқушылары.

"Жедел медициналық жәрдем мектеп оқушыларын 1 сәуір күні кешке Бейнеу орталық аудандық ауруханасының қабылдау бөліміне жеткізе бастады. 9 бен 12 жас аралығындағы 11 бала түсті. Олардың бәрінің жүрегі айнып, құса бастаған және өздерін әлсіз сезінген. Тексеруден және қажетті медициналық көмек көрсетілгеннен кейін үйлеріне жіберілді".Бейнеу ауданының әкімдігі

Облыстық денсаулық сақтау басқармасы санитарлық-эпидемиологиялық инспекторлардың мектеп асханасынан сынама алғанын айтты. Балаларға дисфункция - тағамды тұтынғаннан кейінгі ас қорытудағы бұзылыс диагнозы қойылды.

Қазіргі уақытта балалардың денсаулығына қауіп төніп тұрған жоқ, олар амбулаторлық ем қабылдап жатыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!