Жақсылық Омар жаңа жоғары лауазымға ие болды

10:26, 7 сәуір 2025

© Сурет: Instagram/shko.akim.official

Шығыс Қазақстан облысы әкімінің бірінші орынбасары болып Өскемен қаласының бұрынғы әкімі Жақсылық Омар тағайындалды, деп хабарлайды Zakon.kz.

Бұл туралы 7 сәуір, дүйсенбі күні аймақ басшысы Нұрымбет Сақтағанов Instagram желісіндегі парақшасында хабарлады.

"Бүгін мен Жақсылық Омарды бірінші орынбасар етіп тағайындадым. Жақсылық Мұқашұлының мемлекеттік қызметте тәжірибесі мол. Ол алты жыл облыс орталығында әкім болды. Ол облыстың барлық мәселелерінен хабардар. Жақсылық Омар Шығыс Қазақстан облысының жаңа жауапты қызметінде бар күші мен білімін жұмсайтынына сенімдімін", – деді облыс әкімі.

Жақсылық Омар жаңа қызметке дейін Шығыс Қазақстан облысы әкімінің кеңесшісі қызметін атқарған (2024 жылдың желтоқсанынан). Ол бұған дейін Өскемен қаласының әкімі (2018 жылғы тамыз – 2024 жылғы қараша) қызметін атқарған. Сонымен қатар, әр жылдары Шығыс Қазақстан облысы әкімінің орынбасары қызметтерін атқарған, Алматы облысы әкімінің орынбасары болған.

Омар 2024 жылдың қарашасында Өскемен қаласының әкімі лауазымын өкілеттік мерзімінің аяқталуына байланысты босатқан болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!