Талдықорғандағы аялдамада жасөспірім 86 жастағы зейнеткерді аяусыз соққыға жыққан

7 сәуірде Желіде Талдықорғанда аялдамада жасөспірімнің 86 жастағы зейнеткерді аяусыз соққыға жыққаны туралы ақпарат тарады, деп хабарлайды Zakon.kz.

Жасөспірімнің 15 жаста екені және бокспен айналысатыны айтылған. Зейнеткер сүйісіп тұрған жеткіншектерге ескерту жасаған, ал бұл жасөспірімге ұнамай қалған көрінеді. Ол қарт кісіні ұра бастаған.

"Атаның омыртқасы сынған, миы шайқалған және денесінде көп жарақат бар", - делінген хабарламада.

Посмотреть эту публикацию в Instagram

Публикация от Кертаев Айдос (@krisp.tdk)

Жетісу облыстық полиция департаменті бұл оқиғаға қатысты Zakon.kz тілшісіне түсінік берді.

"Денсаулыққа зиян келтіру фактісі бойынша қылмыстық іс қозғалды. Қазіргі уақытта тергеу амалдары жүргізіліп жатыр"", - деп хабарлады полиция.

Ведомство сондай-ақ кәмелетке толмаған баланың заңды өкілі тәрбие бойынша міндеттерін тиісінше орындамағаны үшін әкімшілік жауапкершілікке тартылғанын хабарлады.

"Жасөспірім профилактикалық есепке алынды. Талдықорған әкімдігі жанындағы кәмелетке толмағандар істері және олардың құқықтарын қорғау комиссиясына тиісті ұсыныс берілді", - деп қорытындылады полиция департаменті.