Өңірлер үшін «Орда Аймақ» жаңа ипотекалық бағдарламасы бойынша өтінімдерді қабылдау басталды

2025 жылдың 7 сәуірден бастап Қазақстан Тұрғын үй Компаниясы ("Бәйтерек" ҰБХ" АҚ еншілес ұйымы, ҚТК) "Орда Аймақ" ипотекалық несиелендірудің жаңа бағдарламасын іске қосты.

Өтінімдер "Отбасы Банкі" АҚ уәкілетті агенттері арқылы қабылданады. 21 жастан асқан Қазақстанның кез келген азаматы қарыз алушы бола алады. "Отбасы Банк" АҚ – да депозиттің болуы бойынша қарыз алушыға қойылатын талабы мен тұрғын үйдің болуы бойынша шектеу "Орда Аймақ" бағдарламасына қолданылмайды.

"Орда Аймақ" бағдарламасының шарттары:

• Қарыз сомасы – 1-ден 75 млн теңгеге дейін;
• Қарыз мерзімі – 12 айдан 240 айға дейін;
• Бастапқы жарна – сатып алынатын тұрғын үй құнының 20%;
• Сыйақы мөлшерлемесі – жылдық 15,9% (ЖЭС 17,26% – дан 22,81% – ға дейін);

"Орда Аймақ" ипотекасына өтініш беру үшін келесі қадамдарды орындау жеткілікті:

• www.orda.homeprotal.kz "Нысандар" бөлімінде пәтерді таңдаңыз
• "Отбасы банк" АҚ серіктес банк бөлімшесінде қажетті құжаттармен өтінім беру, өтінім бойынша шешім күту
• Банктік қарыз шартын және кепіл шартын жасасу

Кепіл шартын уәкілетті органмен тіркелгеннен кейін қарыз беру жүзеге асырылады.

Салынып жатқан құрылыс объектілерінің сипаттамасын, сондай-ақ байланыс туралы ақпаратты ҚТК тұрғын үй порталынан алуға болады.