Қызылордалық оқушылар ертең сабақты онлайн оқиды

21:35, 2 ақпан 2023

138

© Сурет: pexels

3 ақпанда Қызылорда қаласында ауа райының қолайсыздығына байланысты мектеп оқушылары сабақты онлайн оқиды, деп хабарлайды Zakon.kz.

Соңғы күндері Қызылорда қаласында ауа-райының қолайсыздығы байқалып отыр. Осыған байланысты қалалық білім бөлімі 3 ақпанда мектеп оқушылары қашықтықтан оқытылатынын хабарлады.

"Қалада ауа райының қолайсыздығы байқалып отыр. Осыған байланысты балалардың қауіпсіздігін қамтамасыз ету мақсатында жалпы білім беретін білім беру ұйымдарындағы 0-11 сынып оқушылары 3 ақпанда қашықтықтан оқытылатынын хабарлаймыз. "Қазгидромет" республикалық мемлекеттік кәсіпорыны Қызылорда облысы бойынша филиалының ұсынған дерегіне сүйенсек, Қызылорда қаласында күн бұлтты, таңертең және күндіз жауын-шашын (қар аралас жаңбыр) болады" делінген ресми хабарламада.

Айта кетсек, синоптиктер 3 ақпанда Қызылорда мен Түркістан облыстарында ауа райы күрт нашарлап, қар аралас жаңбыр жауатынын, көктайғақ, тұман болуы ықтимал екенін хабарлаған болатын.

Оқи отырыңыз

Алматыда балабақша тәрбиешісі баланы төбелеген

Қазақстандық ғалым құлағында мүкісі бар қазақ тілді балалардың сөйлеуін дамытатын әдістеме ойлап тапты

Kundelik.kz-ке DDoS-шабуыл жасалды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!