Қызылордалық әйел мұнай өнімдерін сатудан 574 миллион теңгені жылыстағаны үшін сотталды

Қызылорда қаласының тұрғыны мұнай өнімдерін заңсыз сатып, ақшаны жылыстатқаны үшін сотталды. No2 қалалық сот оны ҚР Қылмыстық кодексінің екі бабы бойынша кінәлі деп таныды, деп хабарлайды Zakon.kz.

Тергеу барысында анықталғандай, жауапкер сонау 2018 жылы мұнай өнімдерін көтерме саудамен сатумен айналысатын жауапкершілігі шектеулі серіктестігін тіркеген.

"Ол осы серіктестіктің директоры және оның жалғыз құрылтайшысы болды. Кәсіпкер дизельдік отынды көтерме саудамен өткізген, алайда тергеу барысында анықталғандай, ол мұнай өнімдерін құжатсыз сатып алып, сақтап, кейін сатқан. Ол олардың шығу тегінің заңдылығын растай алмады. Тергеу барысында күдіктінің 2019-2023 жылдар аралығында 16 түрлі компаниядан жалпы сомасы 574 728 811 теңгеге 2 422 тонна дизель отынын сатып алғаны анықталды.Оның ішінде растайтын құжатсыз сатып алынған 334 тонна дизель отынын 18 мемлекеттік органға және үш заңды тұлғаға жалпы сомасы 262 151 055 теңгеге сатып, кейін оны заңдастыруға берген", — деді Қызылорда облысы бойынша Экономикалық тергеу департаментінің аса маңызды істер бойынша тергеушісі Фархад Күздеубаев.

Сот күдіктіні баптың Қазақстан Республикасы Қылмыстық кодексінің 197 бабының 4-бөлігінің 2-тармағы бойыншажәне 218-бабтың 3-тармақтың 3-бөлігі "Мұнай және мұнай өнімдерін тасымалдау, сатып алу, өткізу, сақтау, сондай-ақ олардың шығу заңдылығын растайтын құжаттарсыз мұнай өңдеу" және "Қылмыстық жолмен алынған ақшаны және (немесе) өзге де мүлікті заңдастыру (жылыстату)" бабтары бойынша кінәлі деп тапты.

Ол 5 жылға шартты түрде бас бостандығынан айыру жазасына кесілді.

Үкім заңды күшіне енді.