Путинді Ақорда резиденциясында салтанатты қарсы алу рәсімі өтті

Қазақстанға мемлекеттік сапармен келген Ресей Федерациясының Президенті Владимир Путинді Ақорда резиденциясында салтанатты қарсы алу рәсімі өтті, деп хабарлайды Zakon.kz.

Ақорданың хабарлауынша, Қасым-Жомарт Тоқаев пен Владимир Путин бір-біріне ресми делегация мүшелерін таныстырды. Құрмет қарауылының бастығы рапорт беріп, екі елдің әнұрандары орындалды.

Салтанатты рәсімнен кейін мемлекеттер басшылары келіссөз залына барды.

Айта кетсек, 27 қарашада кешкісін Астанада әуежайдан Қазақстанға мемлекеттік сапармен келген РФ президенті Владимир Путинді Мемлекет басшысы Қасым-Жомарт Тоқаев күтіп алды.