Қазақстанның Бас прокуроры әріптестеріне үндеу жасады
![](https://mail.kz/images/e2558616dc7e17008c202b87ba7d0233-slider.jpg)
© Сурет: gov.kz
Бүгін Бас прокуратурада Қазақстан Республикасының прокуратура күнін мерекелеуге арналған салтанатты жиын өтті.
Бас Прокурор Берік Асылов бірінші кезекте заңдылық пен әділдікті қорғаған прокуратура органдарының ардагерлеріне алғысын білдірді.
"Бүгін біз кәсіби мерекемізді атап өтіп қана қоймай, прокуратура саласының іргетасын қалаған аға буынның бізге қалдырған өшпес ізін бүгінгі мақтан етерлік тарих екенін мойындаймыз. Бұл Заңға адал қызмет етудің, азаматтардың құқықтарын әділ қорғаудың және әділеттілік үшін табанды күрестің жауапты да игі жолы", - деп атап өтті ол.
Сондай-ақ Бас Прокурор Мемлекет басшысының бастамасы бойынша елде жүргізіліп жатқан ауқымды реформаларға, оның ішінде құқық қорғау тетіктерін нығайту, қоғамдағы құқықтық мәдениетті арттыру және кез келген құқық бұзушылықтарға мүлдем төзбеушілік қағидатын сақтауға тоқталды.
"Прокуратура туралы" жаңа Конституциялық заңның қабылдануы прокуратураның азаматтардың конституциялық құқықтарын сақтау және қылмыстық процестегі репрессивтілікті төмендету, қоғамдағы зорлық-зомбылыққа қарсы іс-қимыл, бизнесті қорғау, заңсыз шығарылған активтерді қайтару және заңдылықты, құқықтық тәртіпті және қылмысқа қарсы күресті қамтамасыз ету жөнінде басқа да мәселелері бойынша үйлестіруші рөлін күшейтудегі маңызды қадам болды.
Прокурорлық қадағалау мемлекет пен қоғам өмірінің барлық бағыттарын қамтиды. Күн сайын тексерулер жүргізіледі, заңнама нормаларын сақтау бойынша мемлекеттік органдардың актілеріне талдау жасалады. Бұзушылықтар анықталған кезде оларды жою және азаматтардың бұзылған құқықтарын қалпына келтіру бойынша шаралар қабылданады.
Атқарылған жұмыстарды атап өтіп, Берік Асылов әріптестеріне өз қызметтік борыштарына адалдық танытқандары үшін алғысын білдірді. Ол қоғамның түрлі салаларында азаматтардың құқықтарын қорғаудың кепілдіктерін одан әрі нығайтудың маңыздылығын атап өтіп, Мемлекет басшысының прокуратура органдарының алдына қойған мақсаттары мен міндеттеріне табысты қол жеткізуіне сенім білдірді.
Бас Прокурордың бұйрығымен мінсіз қызметі мен міндеттерін үлгілі орындағаны үшін 450 қызметкер марапатталды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:56, 7 қыркүйек 2024
Ертең Астанада Жансүгіров көшесіндегі жол учаскесі бір тәулікке уақытша жабылады
-
17:39, 7 қыркүйек 2024
Қырғызстанда «Киборг» лақап атымен танымал қылмыс әлемінің мүшесі ұсталды
-
17:18, 7 қыркүйек 2024
Паралимпиада-2024: Раушан Қойшыбаева төртінші орын алды
-
16:42, 7 қыркүйек 2024
Маңғыстау облысында бір топ оқушы астан жаппай уланды
-
16:23, 7 қыркүйек 2024
GRECO Қазақстандағы сыбайлас жемқорлыққа қатысты алғаш рет баяндама жариялады