Қазақстандық спортшы таеквондодан жасөспірімдер арасындағы Әлем чемпионатында алтын медаль жеңіп алды

19:57, 15 сәуір 2026

© Сурет: ҚР ҰОК

Таеквондодан Қазақстан құрамасының өкілі Айым Серікбаева Өзбекстанның Ташкент қаласында өтіп жатқан жасөспірімдер арасындағы әлем чемпионатында топ жарды, деп хабарлайды Zakon.kz.

ҚР Ұлттық олимпиада комитетінің мәліметіне сүйенсек, о тандасымыз 44 келіге дейінгі салмақта алтын медаль жеңіп алды.

Финалда Серікбаева Мексика спортшысы Понсе Нуньес Ширлиді 2:0 есебімен айқын басымдықпен жеңді.

Айта кетейік, Қазақстан құрамасының қоржынында жалпы үш медаль бар. Бұған дейін Ерасыл Ерзат (48 келіге дейін) пен Ислам Медетбай (55 келіге дейін) қола жүлдегер атанған еді.

Бұған дейін көркем гимнастикадан Бакуде өтетін Әлем кубогы кезеңінде ел намысын кімдер қорғайтындығын жазғанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!