Қазақстандық десантшылар салтанатты әскери шеруге дайындалуда

21:57, 5 мамыр 2025

© Сурет: ҚР Қорғаныс министрлігінің баспасөз қызметі

Қазақстандық десантшылар Ұлы Жеңістің 80 жылдығына арналған әскери шеруге дайындалуда. Қорғаныс министрлігі осы дайындық барысынан видео үзінділер жариялады, деп хабарлайды Zakon.kz.

"Ұжымдық қауіпсіздік туралы шарт ұйымының Жедел ден қою ұжымдық күштерінің құрамына кіретін және тұрақты жауынгерлік әзірліктегі әскери құрамасы – Десанттық-шабуылдау әскерлерінің Кеңес Одағының Батыры генерал-майор Иван Панфилов атындағы 37-ші десанттық-шабуылдау бригадасының есептобы Жеңіс парадына Қазақстан армиясының атынан қатысады", делінген құзырлы ведомство хабарламасында.

Бұған дейін Астанада 7 мамырда сағат 11:00-де Отан қорғаушылар күніне және Ұлы Отан соғысындағы Жеңістің 80 жылдығына орай ауқымды әскери шеру өтетінін хабарлағанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!