Қазақстанда 2025 жылы еңбек демалысын қай уақытқа алу тиімді

Екі айдан кейін 2024 жыл аяқталады, дегенмен келер жылғы еңбек демалысыңызды қазірден жоспарлай бергеніңіз дұрыс. Басты мақсат - демалыс төлемін барынша көбейту, деп хабарлайды Zakon.kz.

Қазақстандық HeadHunter мамандары демалыс алуға ең тиімді уақытты айтып берді.

2025 жылы демалыс үшін ең тиімді айлар

Демалыс төлемдері тұрғысынан ең қолайлы айлар – сәуір, шілде, қазан және желтоқсан.

Аталмыш айларда жұмыс күндерінің ең көп саны бар (әрқайсысы 22), бұл демалыс төлемдерінің сомасына оң әсер етеді.

Тамыз және қыркүйек айларында да демалыс алу тиімді: осы айлардың әрқайсысында 21 жұмыс күні бар.

Айдағы жұмыс күндерінің көп саны, жиынтық соманы арттырады.

Демалыс үшін қолайсыз айлар

Демалыс қаражатына назар аударатындар үшін наурыз және мамыр айлары ең қолайсыз айлар болады. Наурызда небәрі 17 жұмыс күні бар, демек тиісінше қаражат көлемі де аз болады. Мамыр айында – 19 жұмыс күні бар, бұл да төлем көлемінің аз болатындығын білдіреді.

Жалпы, 2025 жылы Қазақстанда 246 жұмыс күні қарастырылған, ал Өзбекстанда 254 жұмыс күні, Қырғызстан мен Ресейде 247 жұмыс күні күтілуде.