Қазақстанда халық пен бизнеске берілген несиелер көлемі 40 трлн теңгеден асты

2024 жылы желтоқсан айында Қазақстанда несие алғандар саны қаншаға артты әрі несиенің қай түрі кеңінен қолданысқа ие? Бұл сұраққа қатысты жауапты қамтитын материалды Zakon.kz сайтынан оқып-біле аласыздар.

Ұлттық банктің мәліметінше, ел экономикасындағы несиелер көлемі 2024 жылғы 1 желтоқсандағы жағдай бойынша 40,9 трлн теңгені құрап, 2023 жылғы 1 желтоқсаннан бастап 22,3% - ға ұлғайды. Қарыз алушылардың санаттары бойынша кредиттердің жалпы көлемінің 46,0% - ы бизнес кредиттеріне тиесілі (бизнес мақсаттарына кредиттер алған қаржылық емес заңды тұлғалар мен дара кәсіпкерлер), 54,0%–ы халыққа берілген кредиттерге тиесілі.

"Бұл ретте бизнеске кредиттер өткен жылдың ұқсас кезеңіне қарағанда 20,6% - ға өсіп, 18,8 трлн теңгені құрады, халыққа кредиттер 23,7% - ға 22,1 трлн теңгеге дейін өсті", делінген Ұлттық банк хабарламасында.

Ұлттық валютадағы кредиттер көлемі бір жылда 18,9%-ға 36,8 трлн теңгеге дейін ұлғайды, шетел валютасында 64,0%-ға 4,1 трлн теңгеге дейін ұлғайды (оның ішінде оларды валюталық қайта бағалау есебінен). Банк секторының кредиттері кредиттердің жалпы көлемінің 85,8%-н құрады.

Бұған дейін депутат Ерлан Сайыровтың еліміздегі ең төменгі жалақыны индекстеуді ұсынғанын жазғанбыз.